لغمان ولایت کې د بېرته راستنېدونکو کډوالو لپاره د ځمکې د وېش په تړاو ناسته وشوه
۱۴۴۶/۶/۱
د لغمان ولایت د کور او ښار جوړولو ریاست محترم رئیس مولوي حسین احمد تېلوي وایي، دغه ولایت کې د بېرته راستنېدونکو کورنیو لپاره د ځمکې د وېش ولایتي کمېټې درېیمه ناسته وکړه او د چارو پر څرنګوالي یې خبرې وکړې.
ښاغلي مولوي تېلوي وویل، د بېرته راستنېدونکو کدوالو د دایمي اوسېدو لپاره چې کومه ساحه په تېر کې د نورو اړوندو ادارو د استازو په شتون ځانګړې شوې وه، په هغې ځمکه کې د شته ځینو تخنیکي ستونزو په اړه خبرې وشوې او تصمیم ونیول شو چې د مناسب ځای پیدا کېدو په موخه دې نورې ساحې هم وکتل شي.
د یادولو ده، چې د هېواد په ټولو ولایتونو کې د بېرته راستېدونکو کډوالو لپاره ښارګوټي په نظر کې نیول شوي، چې په ځينو هغو کې عملاً ودانیزې چارې او د وېش بهیر روان دی
