غزني کې له ۱۶۰ زره جريبو زياته دولتي ځمکه سروې او ثبت شوه
ښار جوړولو او ځمکو وزارت په غزني ولايت کې ۱۶۸ زره ۴۰۸ جريبه ځمکه سروې او ثبت کړه چې په دې سره ګڼ شمېر دولتي ملکيتونه له احتمالي غصب او ناسمې استفادې څخه خوندي شول.
له دې ډلې څخه په ۱۶ قطعو کې ۱۶۵۶۸۹ جريبه سپينه دولتي ځمکه او په ۶۴ قطعو کې ۲۷۱۹ جريبه د دولت تر استفادې لاندې عامه ملکيتونه دي چې د ياد ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه په ټول هېواد کې ۵ ميليونه ۲۳۷ زره او ۹۴۶ جريبه ځمکه او دولتي املاک سروې، نقشه او ثبت کړي دي.
