غزني ولایت کې د یوې استوګنیزې پروژې له وضعیت څارنه وشوه
۱۴۴۷/۵/۶
غزني ولایت کې د کور او ښار جوړولو ریاست محترم رئیس مولوي نورولي بلال متقي وایي، د ریاست اړوند تخنیکي ټیم یې د دغه ولایت د دوهم پلان اړوند شاه میر صاحب ساحه کې د یوې استوګنیزې پروژې له وضعیت څارنه وکړه.
ښاغلی مولوي بلال متقي وایي، دمګړۍ په یاده پرژوه کې د دوهم پوړ د اسکلېټ چارو دوام درلود چې له وضعیت یې ارزونه وشوه.
نوموړی وایي، یاد ټیم یې د اړونده استوګنیزې حویلۍ څښتن ته لارښوونه وکړه، تر څو د ویزه شوې ودانیزې نقشې مطابق خپلې پاتې چارې ترسره کړي.
غزني ولایت کې د کور او ښار جوړولو ریاست وایي، د ښار په بېلا بېلو ساحو کې یې له ودانیزو چارو څار پیل کړی، ترڅو ښاري بې نظمي رامنځته نه شي او چارې د اصولو مطابق پر مخ ولاړې شي.
