سمنګان کې له ۱۰۰ زره جريبو زياته دولتي ځمکه ثبت شوه
ښار جوړولو او ځمکو وزارت د دولتي ځمکو د بانک برنامې له پيل راهيسې تر اوسه په سمنګان ولايت کې ۱۰۲۳۸۲ جريبه ځمکه او دولتي املاک سروې او ثبت کړي دي.
له دې ډلې په ۲۳۶ قطعو کې ۹۸۰۶۷ جريبه سپينه دولتي ځمکه او په ۱۴۰ قطعو کې ۴۳۱۵ جريبه دولتي املاک دي چې د ياد ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې په ۶۰۹۲ قطعو کې ۵ ميلیونه ۳۹۲ زره او ۷۹۴ جريبه ځمکه او دولتي املاک سروې، ثبت او نښه کړي دي.
