سرپل ولایت کې د ښاري سرغړونو مخنیوی وشو
۱۴۴۶/۰۶/۰۳
د کور او ښار جوړولو وزارت د ښاري تخلفاتو مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي او مسلکي ټیمونو یې د سرپل ولایت د سانچارک ولسوالۍ تکزار بازار او د ګوسفندي ولسوالۍ مرکزي بازار کې د ښاري تخلفاتو مخنیوی وکړ.
ښاغلی مولوي حقاني وایي، د ګوسفندي ولسوالۍ بازار کې یو شمېر هټۍ د تفصیلي پلان خلاف جوړ شوي او د ځینو نورو مخنیوی وشو.
دغه راز، په سانچارک ولسوالۍ کې هغه ودانۍ چې د ویزه شوې نقشې خلاف جوړېدل، د دغه ریاست د کارکوونکو له لوري ورته لازمې لارښوونې شوي چې چارې قانوني او پلان مطابق سرته ورسوي.
د کور او ښار جوړولو وزارت مسلکي او تخنیکي ټیمونو د اړوندو ولسوالیو له ښاروالیو غوښتي چې د غیر پلاني ودانیو مخنیوی وکړي او خلکو ته لارښوونې وکړي چې قانون عملي کړي او ښاري پلان ته درناوی ولري.
د کور او ښار جوړولو وزارت له ټولو هېوادوالو غواړي چې په ټولو برخو کې ښاري پلانونه په پام کې ونیسي او له سرغړونو ډډه وکړي.
