سرپل ولايت کې ۲۱ جريبه ځمکه استرداد شوه
دا ټوټه ځمکه د سرپل ولايت د ګوسفندي ولسوالۍ په بلديان قريه کې له څو کلونو راهيسې د ځايي زورواکو په واک کې وه، خو اوس د ښار جوړولو او ځمکو وزارت په زیار ترې د موثرې او معقولې استفادې لپاره زمينه برابره شوه.
ښار جوړولو او ځمکو وزارت په ټول هېواد کې د غاصبينو پر وړاندې د مبارزې په لړ کې تر اوسه ۵۰۰ زره جريبه ځمکه د غاصبينو له منګولو خلاصه کړې او ورسره جوخت يې ۱۸۸۲۳ غاصبين په ګوته کړي چې له ډلې يې ۱۵۸۲۳ تنه د جمهوري رياست عالي مقام او عدليي او قضايي ارګانونو ته ورپېژندلي دي.
