د کور او ښار جوړولو وزارت او د پلټنې عالي ادارې د لاشفافیت په موخه ناسته وکړه
۱۴۴۵/۱۰/۲۹
د کور او ښار جوړولو وزارت محترم سرپرست وزیر شیخ حمدالله نعماني د پلټنې عالي ادارې له استازو سره وکتل.
په دغه کتنه کې د پلټنې عالي ادارې د پلټنې ټیم د کور اوښار جوړولو وزارت په پروژو او نورو چارو کې د لا شفافیت په موخه خبرې وشوې.
د پلټنې عالي ادارې استازو، د کور او ښار جوړولو وزارت له سرپرست شیخ حمدالله نعماني او نورو اړوندو مسؤلینو مننه وکړه، چې د پلټنو په بهیر کې یې د شفافیت په موخه بې درېغه همکاري کړې او کوي یې.
دوی زیاته کړه، د پلټنې عالي اداره هر کال د وزارتونو او ادارو د کړنو او مالي برخو پلټنه کوي او بیا خپلې موندنې له ذیصلاح مسؤلینو سره شریک کوي.
په دې ناسته کې د کور او ښار جوړولو وزارت محترم سرپرست وزیر د پلټنې عالي ادارې غړو او د کور او ښار جوړولو وزارت مالي، اداري او تدارکاتو ریاستونو ته لارښوونه وکړه، تر څو په هغو مواردو بحث او خبرې وکړي چې د پلټنې عالي اداري غړو موندلي دي.
