د کندز، میمنې او مهترلام ښارونو د څو غیرې پلاني ساحو د بیا رغونې پلان جوړ شو
۱۴۴۵/۸/۱۸
د کور او ښار جوړولو وزارت د غیرې پلاني ساحو د سمون رئیس محترم حبیب الرحمن اوریاخیل وايي، د کندز ښار، د فاریاب ولایت د میمنې ښار او د لغمان ولایت د مهترلام ښار د غیرې پلاني ساحو لپاره یې د بهسازۍ پلان طرحه او ترتیب کړي دي.
ښاغلي حبیب الرحمن اوریاخیل وویل، د کندز ښار د لومړۍ، دویمې او څلورمې ناحیو، د لغمان ولایت د مهترلام ښار د لومړۍ ناحیې د دامان کلا او ګومین ساحې او د فاریاب ولایت د میمنې ښار د قطور د ساحې د بهسازۍ یا سمون نقشې طرحه او ترتیب شوي دي.
اوریاخېل زیاته کړه، د دې پلانونو ځینې برخې یې ویزه شوي او د تطبیق په موخه اړوندو ادارو ته لېږل شوي دي، خو په وینا یې ځینې برخې یې بیا د وروستۍ هوکړې لپاره ولایتي ریاستونو ته لېږل شوي دي، تر څو د بهسازۍ پلان محلي مقاماتو ته تشریح او د هغوی نظریات واخلي، چې بیا به وروسته ویزه کیږي.
نوموړي وویل، د غیرې پلاني ساحو وده او په غیرې رسمي توګه هستوګنه د نړۍ په کچه یوه ستونزه ده، چې ټولنیزې، اقتصادي او فرهنګي نیمګړتیاوې او ستونزې رامنځته کوي.
