د ښاري نقشو د ویزه کولو کمېسیون د پمپ سټېشنونو د رامنځته کېدو په اړه ناسته وکړه

۱۴۴۴/۰۷/۱۵

د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني

په مشرۍ د ښاري نقشو د ویزه کولو (تائیدولو) کمېسیون ناسته وکړه او پر بېلا بېلو تخنیکي موضوعاتو یې بحث وکړ.

په یاده ناسته کې د خوست ولایت د د صحرا باغ ښارګوټي پلان، د ښاري نقشو د ویزه کولو صلاحیت ورسپارلو برخه کې د کور او ښار جوړولو وزارت ولایتي ریاستونو غوښتنه او د پمپ سټېشنونو د رامنځته کولو او تعدیلولو او یو شمېر نورو موضوعاتو خبرې وشوې.

د ښاري چارو محترم مرستیال د خوست ولایت د صحرا باغ ښارګوټي د پلان برابرولو په اړه وویل، لومړی دې د یاد ښارګوټي د ځمکې شخړه او شته ستونزې له اړوندو ادارو سره په ګډه حل شي او له هغې وروسته دې د کور او ښار جوړولو وزارت د نوموړي ښارګوټي لپاره پلان ترتیب کړي.

دغه راز ښاغلي شیخ مدار علي کریمي بامیاني وویل، د ښاري نقضو د ویزه کولو کمېسیون د لومړۍ ناستې د د پرېکړې له مخې، ولایتي ریاستونو ته د ښاري نقشو د ویزه کولو صلاحیت ورکولو چاره دې د دویمو واحدونو د وړتیاوو له ارزونې وروسته ترسره شي، چې په وینا یې دغه ارزونه به د ځانګړي طرزالعمل له مخې ترسره شي.

نوموړي د خپلو خبرو په دوام زیاته کړه، چې د پمپ سټېشنونو د رامنځته کېدو او تعدیل چارې دې هم د شته طرزالعمل سره سم پر مخ ولاړې شي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

پته: دریم مکروریان، ازادي مطبعه ته مخامخ، د کور او ښار جوړولو وزارت.