د ښاري تخلفاتو د مخنیوي ټیم سرپل ولایت ته سفر وکړ
۱۴۴۶/۰۶/۱۰
د کور او ښار جوړولو وزارت د ښاري تخلفاتو د مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي ټیم یې په دې وروستیو کې سرپل ولایت ته سفر وکړ.
ښاغلی مولوي حقاني وایي، دغه ټیم سرپل ولایت کې د ولایت محترم مقام له مرستیال مولوي خال محمد حقاني او د دغه ولایت له محترم ښاروال او دغه راز د ولسوالو له ښاروالانو سره وکتل.
په دغه لیدنه او ملاقاتونو کې اړونډ ټیم د خپل سفر په هدف، د ښاري تخلفاتو ریاست په پېژندګلوۍ، له پروژو څارنې، د پلان پر تطبیق او د کور او شار جوړولو ریاست او نورو اړوندو ریاستونو او ادارو ترمنځ د لا زیاتې همغږۍ او همکارۍ پر ایجاد خبرې وکړې.
د کور او ښار جوړولو وزارت د ښاری تخلفاتو ریاست په ټولو ولایتونو کې ګمارل شوي ټیمونه له اړوندو ادارو سره کیني او د خپلو دندو او مسؤلیتونو په تړاو معلومات ورکوي.
