د فراه ښار له لومړۍ تر اتمې ناحیې پورې د سړکونو د ویالو د ډبرکارۍ له پروژې څخه څارنه وشوه
۱۴۴۸/۵/۱۷
د فراه ولایت د کور او ښار جوړولو ریاست اړوند تخنیکي ټیم د فراه ښار له لومړۍ تر اتمې ناحیې پورې د سړکونو د ویالو د ډبرکارۍ له پروژې څخه ساحوي څارنه ترسره کړه.
د څارنې پر مهال د فراه ښار په درېیمه ناحیه کې، د مهتاب تالار شمال لوري ته، د زراعت بانک د ۲۹مې څانګې ترڅنګ د سړک د ویالې د ډبرکارۍ چارې روانې وې.
د نظارت پر مهال اړوند شرکت ته سپارښتنه وشوه، چې ساختماني چارې د انجنیري معیارونو او تخنیکي سټنډرډونو مطابق ترسره کړي، چې د پروژې ټولیز فزیکي پرمختګ شاوخوا ۶۷ سلنې ته رسېدلی دی.
د یادې پروژې په چوکاټ کې د فراه ښاروالۍ ریاست له لومړۍ تر اتمې ناحیې پورې د یو شمېر سړکونو ویالې د ۲۰ میلیونه، ۹۱۵ زره او ۱۲۲ افغانیو په لګښت په اساسي ډول د ډبرو په وسیله پخوي.
