د سرپل ولایتي شورا اداري ودانۍ ګټې اخیستنې ته وسپارل شوه
ښارجوړولو او ځمکو وزارت د ثبات ټینګښت ملي برنامې له لارې د سرپل ولایتي شورا اداري ودانۍ رغنیزې چارې بشپړې او ګټې اخیستنې ته یې وسپارله.
دا دوه پوړیزه اداري ودانۍ په ۷۱۰ متر مربع ځمکه کې چې ۸ اداري دفترونه، ۱ کنفرانس خونه، ۱ د ډوډۍ خوړلو سالون، ۱ پخلنځی، ۱ د معلوماتو خونه او ۹ معیاري تشنابونه لري د ۱۸ میلیونه افغانیو په ارزښت د ښارجوړولو او ځمکو وزارت د پراختیايي بودیجې څخه جوړه شوې ده.
ښارجوړولو او ځمکو وزارت د ثبات ټینګښت ملي برنامې له لارې د ټولګټو پروژو په عملي کولو د هېواد په کچه سیمه اییزه حکومتولي پیاوړې کړې او همداراز خلکو ته د اساسي خدماتو وړاندې کولو کچه لوړوي.
###
