د تهیه مسکن پروژې د بررسۍ ټیم خپل راپور وړاندې کړ
۲۱/۱۱/۱۴۴۶
د تهیه مسکن د هستوګنيزې پروژې د ارزونې او څارنې موظف هیئت خپل راپور د مسکن، ودانیزو چارو او د برنامو د پراختیا محترم مرستیال ښاغلي الحاج محمد اسماعیل فائز ته وړاندې کړ.
یاده غونډه، چې د همدې موخې لپاره د ښاغلي معین صاحب په کاري دفتر کې د اړوندو ریاستونو د رئیسانو او آمرینو په ګډون ترسره شوه، پکې محترم انجنیر اکرامالدین خیبر، د املاکو او استوګنې ریاست سرپرست، محترم امانالله امیري، د ساختماني ډیزاین او تاسیساتو رئیس، او محترم سیفالرحمن عادل، د څارنې او تطبیق ریاست سرپرست، د یادې پروژې د تخنیکي لیدنې او ارزونې راپور وړاندې کړ او اړوند معلومات یې هم شریک کړل.
په یاده غونډه کې محترم الحاج محمد اسماعیل فائز وویل، اړوند ریاستونه او قراردادي شرکت مکلف دی، ترڅو د برېښنا، اوبو رسونې، کانالیزاسیون، سپټیک څاه او فاضلاب سیستم اړوند ستونزې ژر تر ژره حل او پروژه ګټې اخستنې ته چمتو کړي.
ښاغلي فائز زیاته کړه، اړوند ریاستونه باید خپلې سپارل شوې دندې او مسئولیتونه د یادې پروژې په برخه کې په همغږۍ سره ترسره کړي، ترڅو په تخنیکي چارواو پرانسته کې هیڅ ډول ځنډ رامنځته نه شي.
همداراز، تخنیکي برخو ته سپارښتنه وشوه، چې د یو بل سره په همغږۍ، د ګرموالي د مرکز ، د څښاک اوبو د زېرمه کولو، د سپتیک څاه او برېښنا سیستم په ګډون شته ستونزې او نیمګړتیاوې په عاجل ډول حل کړي.
قراردادي شرکت ته سپارښتنه وشوه ، ترڅو یاده پروژه په ټاکلې موده کې پشپړه کړي
د یادولو ده، چې د کور او ښا جوړولو وزارت هڅه کوي چې په مرکز او ولایتونو کې د کار لاندې پروژې په معیاري ډول بشپړې شي او ګټې اخستنې ته وسپارل شي.
