د بشري سرچینو ریاست د خپلو فعالیتونو په تړاو مالي او اداري مرستیال ته راپور ورکړ
۱۴۴۳/۱۱/۲۰
د ښار جوړولو او ځمکو وزارت د بشري سرچینو محترم رییس معروف جان جبارخېل او د هغه کاري پرسونل د یاد وزارت محترم مالي او اداري مرستیال حافظ محمد امین فاروقي ته د خپل ریاست اړوندو فعالیتونو او لاسته راوړنو په اړه بشپړ راپور ورکړ.
ښاغلي معروف جان جبارخېل د خپل ریاست اړوند د سوانحو، ظرفیت لوړونې، استخدام او ارزونې او دغه راز نورو برخو کې د خپلو فعالیتونو په تړاو هر اړخیز معلومات وړاندې کړل، په ریاست کې شته ستونزې یې په ګوته کړې او د حل لپاره یې د همکارۍ غوښتنه وکړه.
ورپسې د ښار جوړولو او ځمکو وزارت محترم مالي او اداري مرستیال حافظ محمد امین فاروقي د یاد ریاست له فعالیتونو او هڅو مننه وکړه او د شته ستونزو د حل برخه کې یې د بشپړې همکارۍ ډاد ورکړ.
