ارزګان کې د اجباري راستنېدونکو اړمنو کورنیو لپاره د ښارګوټي تفصیلي پلان جوړ شو
۱۴۴۶/۰۷/۱۷
د کور او ښار جوړولو وزارت د عملیاتو چارو کمېټې محترم مشر حافظ انجنیر محمد یوسف لطیف وایي، د اجباري رساتنېدونکو اړمنو کورنیو لپاره د ښارګوټو د تفصیلي پلانونو جوړولو په لړ کې یې دا ځل د ارزګان ترینکوټ ښار کې د ښارګوټي لپاره تفصیلي پلان جوړ کړ.
دغه پلان د کور او ښار جوړولو وزارت محترم سرپرست وزیر الحاج شیخ حمدالله نعماني تائید کړ، چې ارزګان کې د کور او ښار جوړولو محترم رئیس مولوي روح الله ته وسپارل شو.
دغه پلان په اتلس سوه (1800) جریبه ځمکه کې جوړ شو چې، یو زر او دري اتیا (1083) استوګنیزې نمرې لري او د ژوند کولو نورې اسانتیاوې هم په کې په پام کې نیول شوي دي.
ښاغلی انجنیر لطیف وایي، د کور او ښار جوړولو وزارت د عملیاتو چارو کمېټې ټول غړي ژمن دي چې ورسپارل شوې دندې په خپل وخت او ښه کیفیت او معیار سرته ورسوي، تر څو هېوادوالو ته ارزښتمن خدمات وړاندې شي.
