د ساختماني موادو د کیفیت کنټرول په برخه کې پنځه ورځنی مسلکي سمینار پیل شو
۱۴۴۸/۴/۱۴
د کور او ښار جوړولو وزارت اړوند د کور او ښار جوړولو انسټیټیوت له لوري، د ساختماني موادو د کیفیت کنټرول په برخه کې پنځه ورځنی مسلکي سمینار د وزارت د تخنیکي کارکوونکو لپاره پیل شو.
دغه سمینار د کور او ښار جوړولو انسټیټیوت په تالار کې پیل شو، چې د وزارت یو شمېر تخنیکي کارکوونکي پکې ګډون لري. د سمینار په جریان کې به ګډونوالو ته د ساختماني موادو د کیفیت کنټرول، د کیفیت د ارزونې، اړوندو تخنیکي معیارونو او په ساختماني چارو کې د معیاري موادو د کارونې په اړه اړین مسلکي او تخنیکي معلومات وړاندې شي.
د یاد پنځه ورځني سمینار موخه د وزارت د تخنیکي کارکوونکو د مسلکي پوهې او کاري وړتیاوو لوړول، د ساختماني موادو د کیفیت د ارزونې په برخه کې د هغوی د ظرفیت پیاوړتیا او په ساختماني پروژو کې د کیفیت د معیارونو د لا ښه رعایت زمینه برابرول دي.
د کور او ښار جوړولو وزارت د خپلو تخنیکي او مسلکي کارکوونکو د ظرفیت لوړونې ته ځانګړې پاملرنه کوي او د همدې موخې لپاره د کور او ښار جوړولو انسټیټیوت له لارې په بېلابېلو مسلکي او تخنیکي برخو کې روزنیز پروګرامونه او تخصصي سمینارونه په لاره اچوي.
د ساختماني موادو د کیفیت کنټرول دغه سمینار هم د همدې لړۍ په دوام کې ترسره کېږي، چې له دې وړاندې هم د وزارت د اړوندو مسلکي برخو له لوري د بېلابېلو تخنیکي موضوعاتو په اړه ورته روزنیز پروګرامونه او سمینارونه جوړ شوي دي.
د وزارت له لوري د تخنیکي او مسلکي ظرفیتونو د لوړولو دا ډول پروګرامونه د دې لپاره ترسره کېږي چې کارکوونکي د ساختماني چارو له نوو تخنیکي معیارونو او مسلکي اصولو سره لا ښه بلد شي او خپلې دندې په لا لوړ مسلکي کیفیت ترسره کړي.
ټاکل شوې دغه سمینار پنځه ورځې دوام وکړي او په ترڅ کې به یې ګډونوالو ته د ساختماني موادو د کیفیت کنټرول اړوند موضوعات په نظري او عملي بڼه وړاندې شي.
