پکتیکا ولایت کې د یو استنادي دېوال جوړولو په موخه ساحه وکتل شوه
۱۴۴۶/۰۹/۰۴
د پکتیکا ولایت د کور او ښار جوړولو ریاست اړوند انجنیرانو په دغه ولایت کې د یوسف خېلو ولسوالۍ زمريکوټ له ساحې لیدنه وکړه.
په یاد ولایت کې د کور او ښار جوړولو ریاست محترم رئیس مولوي محمد طاهر سیف الجهاد وایي، انجینرانو یې دغه لیدنه په ساحه کې د یو استنادي دېوال جوړولو په موخه وکړه چې، په خبره یې ډېر ژر به ورته نقشه برابره کړي.
ښاغلی مولوي سیف الجهاد وایي، دغه چاره یې په دغه ولایت کې د طبعي پېښو ته د چمتوالي محترم ریاست په غوښتنه ترسره کړه.
نوموړی وایي، د نقشې له جوړېدو وروسته به نقشه یاد ریاست ته وسپارل شي چې، د عملي کېدا لپاره یې لاس په کار شي.
د کور او ښار جوړولو وزارت د پروژو لپاره براورد کوي، نقشې جوړوي او له چارو څارنه کوي.
