د دارالامان ماڼۍ تر شاه دیپلوماتیک ښار ګوټی جوړول ستراتېژیک اهمیت لري
۱۴۴۵/۳/۳
د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني د بهرنیو چارو وزارت د اداري ریاست امنیتي مرستیال محترم مهندس عبدالجلیل رحمتي سره وکتل.
په دغه ناسته کې، د کابل ښار دارالامان ماڼۍ ترڅنګ د دیپلوماتیک ښارګوټي جوړولو په اړه خبرې وشوې.
د کور او ښار جوړولو وزارت د ښاري چارو محترم مرستیال شیخ مردارعلي کریمي بامیاني وویل، دا مهمه خبره ده، چې افغانستان کې په نړیوالو معیارونو برابر دیپلوماتیک ښارګوټی جوړ شي.
ښاغلي بامیاني وویل، د یاد ښارګوټي په جوړېدو سره به نړیوالو ته ثابته شي، چې د ا.ا.ا د بهرنیو هېوادونو دیپلوماتو ته مناسبه زمینه برابروي او له دغې لارې به له نړۍ سره دوه اړخیزې اړیکې ولري.
نوموړي د خپلو خبرو په دوام وویل، د یاد ښارګوټي له پلان جوړلو تر جواز ورکولو پورې ټولې چارې د کور او ښار جوړولو وزارت اړوند کېږي، خو د رغولو، قانوني اسنادو او نورو چارو سرته رسولو په موخه اړینه ده چې د اړوندو ادارو څخه یوه ګډه کمېټه جوړه شي، تر څو یې د ستونزو په حل کې په وخت او لازم اقدام وکړي.
په ورته وخت کې، د بهرنیو چارو وزارت د اداري ریاست امنیتي مرستیال محترم مهندس عبدالجلیل رحمتي وویل، دا چې یاد دیپلوماتیک ښارګوټی په ملي او نړیواله کچه مهم او ارزښت لرونکی دی، نو اړینه ده چې لومړني کارونه یې پیل او ستونزې یې حل شي.
نوموړي، د کور او ښار جوړولو وزارت له مسؤلینو غوښتنه وکړه، چې په دغه برخه کې د بهرنیو چارو محترم وزارت سره هراړخیزه همکاري وکړي.
ټاکل شوې وه، چې یاد دیپلوماتیک ښارګوټی د ۱۳۹۲ کال د وخت مصوبې پر اساس د کابل دارالامان ماڼۍ ترڅنګ په (۳۵۰) جریبه ځمکه کې جوړ شي، خو د بېلا بېلو دلایلو له کبله یې ټول موضوعات په ټپه ولاړ وو.
_____________________
د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️
WhatsApp:
https://chat.whatsapp.com/FnOgiA7hU1H3y1w3FrV0uh
Malgari:
https://www.malgari.com/?cache=1673066126#
YouTube channel:
Tel:
Web:
FB page:
https://www.facebook.com/MUDH-2303368453279461/
نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.
