۱۳۵۲۱۲ جریب زمین دولتی در ولایت غور ثبت گردید
وزارت شهرسازی و اراضی در ادامه تطبیق برنامه بانک زمین دولتی در کشور؛ 135212 جریب زمین دولتی و ملکیت های عامه تحت استفاده ادارات دولتی را در ولایت غور ثبت نموده است.
از مجموع این رقم، 131390 جریب زمین سفید دولتی و متباقی 3822 جریب آن ملکیت های عامه تحت استفاده ادارات دولتی می باشد.
وزارت شهرسازی و اراضی تا کنون حدود 6 میلیون جریب زمین دولتی را در کشور ثبت نموده و مصمم است با ثبت زمین دولتی و بهره گیری از آن؛ زمینه تحقق پروژه های عام المنفعه در کشور فراهم گردد.
###
