د چین هېواد په مرسته مسکوني پروژه (نیله باغ)
د چین هېواد په مرسته مسکوني پروژه (نیله باغ)
تاریخچه
د افغانستان اسلامي امارت له بیا حاکمیت مخکې د ۲۰۱۴ کال اکتوبر میاشتې په ۲۸ مه د وخت حکومت او د چین جمهوري هېواد ترمنځ د تخنیکي او اقتصادي همکاریو هوکړه لیک د چین پلازمېنې بیجینګ کې لاسلیک شو او دغه راز د ۲۰۱۵ کال د نوامبر په درېیمه د چین مرستیال ولسمشر هوکړه لیک لاسلیک کړی چې له مخې یې د لومړي فاز رغولو په موخه د (۵۰۰) میلیون یوان چې تقریباً (۷۱) میلیونه ډالر کېږي بودیجوي ژمنه ترلاسه کړه.
پروژه د ملي تدارکاتو کمېسیون له لوري مناقصې ته وسپارل شوه، او د افر پرانستو ناسته یې د ۲۰۱۹ کال د جون په ۸مه چې د ۱۳۹۸/۰۳/۱۸مې سره سمون خوري د ملي تدارکاتو د افر پرانستلو په سالون کې ترسره شوه او د اسنادو، مدارکو له ارزونې وروسته یې راپور د تصمیم نیونې په موخه د ملي تدارکاتو کمېسیون ته راجع شو. د ملي تدارکاتو کمېسیون د ۱۳۹۸/۱۲/۱۲ نېټې پرېکړې سره سم د تدارکاتي پړاونو بشپړولو وروسته یې د ساختماني چارو تړون د ۲۰۲۰ کال د جون میاشتې په لومړۍ د (MCC19) قراردادي شرکت او د کور او ښار جوړولو وزارت ترمنځ د ۷۱ میلیون امریکایي ډالرو په ارزښت ترسره شو.
د پروژې موخه:
د پروژې کلي موخه دا ده، تر څو ۱۴۰۰ کیفیت لرونکي مسکوني واحدونه (۱۴۰۰هستوګنیز اپارتمانونه) د یو ښارګوټي په چوکاټ کې له ټولو زیربناؤ سره جوړ کړي.
د پروژې نورې موخې هم په لاندې توګه دي:
1. په کابل ښار کې د کم عاید لرونکو ملکي خدماتو مامورینو د مسکن ستونزو ته رسېدنه.
2. په مستقیمه او غیر مستقیمه توګه د سیمه ییزو ټولنو د ژوند کچې لوړول.
د تمویل سرچینې:
د پروژې ټولیز لګښت د چین هېواد له بلا عوضه مرستې څخه تمویلېږي.
کاري پرمختګ: د ۱۰ بابه هستوګنیز بلاکونو بنسټ کې کانکریټ اچول شوی او ځینو رغنیزې چارې لږ نورې هم مخته تللي دي.
لاسته راوړنې:
د پروژې سروې، طرح او ډیزاین او د تمویلوونکي تائیدي شوې ده، د ځمکې انتقال د کور او ښار جوړولو وزارت ته شوی او قراردادي شرکت ته سپارل شوې، تدارکاتي پروسه یې سرته رسېدلې چې قرارداد د ام، سي، سي، 19 شرکت ته سپارل شوی، په ساحه کې موجوده قبرونه انتقال شوي د کابل لوېدیځ ته، قرارداد سره مل تخنیکي نقشې بشپړې او اصلاح شوي او د تداکراتو ملي کمېسیون او ګټونکې کمپنۍ ته په ساحه کې د تطبیق په موخه لېږل شوي، او د لس بلاکونو کانکرېټ اچونه هم شوې ده.
راتلونکی پلان:
- د پروژې عملي چارې بیا پیلول.
- د تخنیکي مشخصاتو لېست او د ډیزاینونو او نقشو مطابق د ساختماني چارو ترسره کول.
- د هستوګنیزو بلاکونو لپاره د تهداب چارو پیلول او دغه راز د تفصیلي پلان سره سم په دوه برخو کې د اوبو ارتفاعي ذخیرو جوړول.
- د عملي کارونو د پروسې چټکتیا په موخه د تخنیکي پلان جوړول او د ډیزاین مطابق له ساختماني چارو څارنه کول.
- د ساختمانونو په ډیزاین او زیربنایي شبکو کې اصلاحات راوستل او د MCC19 چینایي قراردادي شرکت د شاپ دراونگ تایید.
Acting Minister of Urban Development and Housing
5 months 2 weeks ago
We hold ourselves accountable to our God, the Muslim nation and our country, and we consider it our duty to work for urban development, economic and social development and environmental protection. We are committed and have begun our efforts to transform the Ministry of Urban Development and Land into a service and responsive ministry that will always work for the implementation of development and welfare projects and provide transparency, incentives and employment opportunities in this area.
