دحیرتان ددوه لارې د کرنیزو او صنعتي پارکونو د وړاندیز شوي پلان په اړه خبرې وکړې.
![picture](/sites/default/files/2022-09/whatsapp_image_2022-09-11_at_8.46.08_am.jpeg)
13/02/1444
د ښار جوړولو او ځمکو وزارت سرپرست مولوي حمدالله نعماني د صنعت او سوداګرۍ وزارت د صنعتي پارکونو د پراختیا له رئیس سره د لیدنې په ترڅ کې د دغه وزارت د وړاندیز شویو پلانونو په اړه چې د دغه وزارت د بلخ په ولایت د حيرتانو په دوه لارې کې صنعتي او کرنيز پارک د ماسټر پلان د جوړولو په اړه یې وړاندیز کړی وو، چې بحث او خبرې اترې پرې وشوې.
د صنايعو او سوداګرۍ وزارت د صنعتي پارکونو د پراختيا رئيس د دغه وزارت د وړانديز شويو پلانونو په اړه چې په شپږو پړاونو کې طرحه شوي وي معلومات ورکړل او په دې برخه کې يې د ښارجوړولو او ځمکو وزارت له تخنیکې مسوولينو څخه وړانديزونه او مشورې وغوښتې. .
د ښار جوړولو او ځمکو وزارت سرپرست محترم مولوي حمدالله نعماني وویل، د ښاري پلانونو چمتو کول د دغه وزارت له مهمو دندو څخه دي، چې د ښار جوړولو او ځمکو وزارت د انجنیرانو او متخصصینو له خوا د قوانینو په رڼا کې طرحه کېږي.
د ښار جوړولو او ځمکو وزارت سرپرست د دغه وزارت د ښاري پلانونو ریاست ته لارښوونه وکړه چې د صنعت او سوداګرۍ وزارت وړاندیز شوي پلانونه په قانوني ډول تعقیب او په برخه کې یې لازم اقدامات ترسره کړي.