په کجکي ولسوالۍ کې د ۱۰۰۰ لمونځ کوونکو په ظرفیت د جامع مسجد طرح او ډیزاین بشپړ شو
۱۴۴۷/۱۱/۲۲
د هلمند ولایت د حج او اوقافو ریاست د رسمي غوښتنې پر اساس، د کجکي ولسوالۍ لپاره د ۱۰۰۰ لمونځ کوونکو په ظرفیت یو معیاري مرکزي جامع مسجد طرح او ډیزاین ترتیب شوی دی.
یاده طرحه د سیمې د نفوس، اړتیاوو او اقلیمي شرایطو په نظر کې نیولو سره د اسلامي معمارۍ له اصولو سره سم چمتو شوې ده، چې پکې پراخ لمونځ ځای، د اوداسه معیاري اسانتیاوې، مناسب تهویه او طبیعي رڼا په پام کې نیول شوې ده.
د جامع مساجدو جوړول د دیني خدماتو د ښه وړاندې کولو، د عبادت د معیاري اسانتیاوو برابرولو او د ټولنیزو اړتیاوو د پوره کولو په برخه کې مهم رول لري.
