په هرات ولایت کې د دوو ولسوالیو د اداري تعمیرونو ودانیزې چارې وڅارل وشوې
۱۴۴۷/۰۵/۲۱
د هرات ولایت د کور او ښار جوړولو ریاست محترم رئیس انجنیر عبدالله اکبري وایي، د دې ریاست اړوند تخنیکي ټیم د زیرکوه او پشتکوه ولسوالیو د اداري ودانیو او د پشتکوه د امنیې قومندانۍ د ودانۍ له چارو څخه نظارت ترسره کړ.
ښاغلي انجنیر اکبري وویل، د زیرکوه ولسوالۍ د ودانۍ د دوهم پوړ د سیخ بندۍ چارې روانې دي، همدارنګه د پشتکوه ولسوالۍ د ودانۍ د دوهم پوړ د ستنو سیخ بندي او د پشتکوه د قومندانۍ د سنګ کارۍ او پرکارۍ چارې هم په منظم ډول دوام لري.
یادې ودانۍ د هرات ولایت مقام په لارښوونه او د کور او ښار جوړولو ریاست د تخنیکي څارنې لاندې جوړېږي. موخه یې په لرې پرتو ولسوالیو کې د اداري او امنیتي خدمتونو د وړاندې کولو د اسانتیاوو رامنځته کول او د دولتي بنسټونو د فعالیتونو پیاوړتیا ده.
