په پنجشیر کې د حوادثو سره د مبارزې ریاست د اداري تعمیر د ساحې توپوګرافي سروې ترسره شوه
۱۴۴۷/۰۳/۲۷
د کور او ښار جوړولو وزارت د سروې او جي ای ایس ریاست محترم رئیس حافظ انجنیر محمد یوسف لطیف وایي، د دې ریاست اړوند تخنیکي ټيم د حوادثو سره د مبارزې ریاست د اداري تعمیر د ساحې توپوګرافي سروی ترسره کړه.
همدرازا د پنجشیر ولایت د کور او ښار جوړولو ریاست محترم رئیس انجنیر محمد فهیم نورزاد وویل، یاد سروی د حوادثو سره د مبارزې ریاست د غوښتنې او د کور او ښار جوړولو وزارت د محترم مقام د هدایت پر بنسټ ترسره شوه، چې د دې کار چارې د وزارت د سروې او جي ای ایس ریاست د تخنیکي ټیم له لوري تر سره شوې.
د کور او ښار جوړولو وزارت په هېواد کې د ودانیزو او زیربنایي پروژو د معیاري کولو په موخه د سروې، طرحې او څارنې بهیر پرمخ وړي. توپوګرافي سروې د پروژو په دقیق نقشه بردارۍ او پلان جوړونه کې مهم رول لري، ځکه د دغې پروسې پایلې د ښاري خدمتونو د ښه تطبیق او د ودانیو د کیفیت لوړوالي لپاره اساسي ارزښت لري.
