میدان وردګ کې د صنعتي پارک د ریزرف ساحې توپوګرافي سروې تر سره شوه
1447/02/19
د کور او ښار جوړولو وزارت د سروې او جي ای ایس ریاست محترم رئیس انجنیر حافظ محمد یوسف لظیف وایي، د دې ریاست اړوند تخنیکي ټيم لخوا د میدان وردګ ولایت د صنعتي پارک د ریزرف ساحې توپوګرافي سروی تر سره شوه.
ښاغلي انجنیر لطیف وویل، دغه سروی د شاوخوا ۴۵۰ جریبه ځمکې په مساحت کې د تفصیلي پلان د ترتیب په هدف ترسره کېږي.
د سروی چارې د میدان وردګ ولایت د کور او ښار جوړولو ریاست د محترم رئیس مولوي عبدالقیوم سیف العمرد شفاهي هدایت او د میدان ښار د ستراتیژیک اصلاحاتي پلان پر بنسټ پر مخ وړل کېږي.
د ښاغلي انجنیر لطیف په وینا، په دې بهیر کې د توتال سټېشن عصري لیزري وسایل کارول کېږي، چې د لوړ دقت سره د ساحې ټول توپوګرافیکي مالومات ثبتوي او ټاکل شوې ده چې د سروی له بشپړېدو وروسته به د پارک تفصیلي پلان جوړ او د یوه معیاري او منظم صنعتي پارک د جوړېدو زمینه برابره شي.
د یادولو ده، چې دغه پروژه به د ولایت په کچه د اقتصادي او صنعتي بنسټونو په پیاوړتیا کې مهم رول ولوبوي.
