غزني کې د پښتون اباد د سړکونو او سکورت بازار د کانال پروژې څخه څارنه وشوه
۱۴۴۶/۱۲/۲۶
د غزني ولایت د کور او ښار جوړولو ریاست محترم رئیس مولوي نور ولي بلال متقي وایي، د دې ریاست اړوند تخنیکي ټیم د پښتون اباد په وحدت سیمه کې د سړکونو جوړولو او د سکورت بازار د کانال د پروژې له چارو څخه څارنه وکړه.
ښاغلي مولوي متقي وویل، د پښتون اباد د سړک د کانګریټ اچونې چارې په ښه ډول روانې وې، همدارنګه د وحدت د سړک چې د توحید اباد په مسیر موقعیت لري، د لیول او کمپکشن چارو جریان درلود او د کانال د پروژې د تهداب کندن کارۍ چارې هم د پرمختګ په حال کې وې.
د نوموړي په خبره، د قراردادي شرکت مسؤلینو ته لازمې سپارښتنې وشوې تر څو چارې د نقشې مطابق په معیار برابرې تر سره کړي.
