نیمروز کې د کډوالو د ښارګوټي توپوګرافي سروې تر سره شوه
۱۴۴۶/۱۰/۱۱
د کور او ښار جوړولو وزارت د سروې او جي ای ایس محترم رئیس حافظ انجنیر محمد یوسف لطیف وایي، د ریاست اړوند تخنیکي او مسلکي ټیم یې نیمروز ولایت کې د کډوالو د ښارګوټي توپوګرافي سروې ترسره کړه.
همدارازد نیمروز ولایت د کور او ښار جوړولو ریاست محترم رئیس مولوي عبدالجبار یاسیني وايي، په خاشرود ولسوالۍ کې د کډوالو د ښار ګوټي لپاره ( 10000) جریبه ځمکه توپوګرافي سروې شوه.
د کور او ښار جوړولو وزارت چې، د اسکان دایمي کمېټې مشري په غاړه لري، هڅې یې پیل کړي چې په هر ولایت کې مناسبې ځمکې سروې او د ښارګوټو جوړولو لپاره چمتو کړي.
