د پُل علم ښار د منظمې ودې او پراختیا په تړاو خبرې وشوې
۱۴۴۶/۰۹/۲۵
د کور او ښار جوړولو وزارت محترم سرپرست وزیر الحاج شیخ حمدالله نعماني په خپل کاري دفتر کې د لوګر ولایت د کور او ښار جوړولو ریاست له محترم رئیس مولوي مطیع الله زاهد سره وکتل او پر یو شمېر مهمو موضوعاتو یې خبرې اترې وکړې.
دواړو لوریو، د پُل علم ښار د سوداګریزې ساحې د شته ستونزو او حل لارو په تړاو خبرې وکړې.
دغه راز بحث د پُل علم ښار د بافت لپاره په نوي اصلاحي پلان خبرې وشوې.
په یاده ناسته کې د کور او ښار جوړولو وزارت محترم سرپرست وزیر د پُل علم ښار د ستراتېژيک پلان لپاره د تفصیلي پلان پر پلي کېدا ټینګار وکړ.
ښاغلي شیخ حمدالله نعماني وویل، په لوګر ولایت کې دې د نویو استوګنیزو ښارګوټو د پلانونو چارې په سمه توګه ترسره شي او ټول اړخونه دې په پام کې ونیول شي.
لوګر کې د کور او ښار جوړولو رئیس مولوي مطیع الله زاهد په پُل علم ښار کې د ځینو شته ستونزو یادونه وکړه او د حل په موخه یې د محترم وزیر د لارښوونو غوښتنه وکړه.
دغه راز یادونه وشوه چې، په یاد ښار کې ځینې برخې باید په پلان کې شاملې شي هغه چې د ښار په محدوده کې شاملې دي.
د کور او ښار جوړولو وزارت د ټولو ولایتونو د منظمې ښاري ودې او پراختیا لپاره کار کوي او هڅه کوي چې د نوي عصر سره سم د اړتیا له مخې پلانونه جوړ او پلي کېدا ته وسپاري.
