کندهار کې د دوه پروژو له چارو څارنه وشوه
۱۴۴۶/۰۸/۱۰
کندهار کې د کور او ښار جوړولو ریاست محترم رئیس مولوي عبدالمتین وایي، د ریاست اړوند تخنیکي ټیم یې په دغه ولایت کې د بابا صاحب د زیارت او سړک پر غاړه د ګلدان له ودانیزو چارو څارنه وکړه.
ښاغلی مولوي عبد المتین وایي، دغه پروژې د کندهار محترمې ښاروالۍ اړوند کېږي چې، نږدې شپږه سوه زره افغانۍ لګښت پرې راځي او د پلان د تطبیق او د چارو نظارت چارې یې د کور او ښار جوړولو ریاست اړوند کېږي.
نوموړی وایي، تخنیکي ټیم د معلوماتو له مخې یې، د یادو پروژو چارې د چوک نوي (90٪) او د سړک د ګلدان پنځوس (50٪) پر مخ تللي دي.
د کور او ښار جوړولو وزارت په ټولو ولایتونو کې د دولتي پروژو له چارو څارنه کوي او د خپلسرو اقداماتو مخنیوی کوي.
