دامان ولسوالۍ کې د بې سرپناه کورنیو لپاره د ښارګوټي ودانیزې چارې روانې دي
۱۴۴۶/۰۶/۳۰
کندهار ولایت کې د کور او ښار جوړولو ریاست محترم رئیس مولوي عبدالمتین وایي، د کندهار دامان ولسوالۍ د بې سرپناه کورنیو د ښارګوټي د پروژې ودانیزې چارې روانې دي.
ښاغلی مولوي عبدالمتین وایي، دمګړۍ هلته په ساحه کې د سړک د بنسټیزو چارو طبقه بشپړه شوې او پرې د جغل اچولو اجازه ورکړل شوه.
نوموړی وایي، د مخکنیو چارو تر بشپړېدو وروسته د درې پلچکونو سنګکاري بشپړه او د څلورم پلچک د سنګکارۍ بهیر دوام لري.
دغه راز، د شپږو ټانکيو پاونډېشنونو سنګکارۍ بشپړه او تر وچېدو وروسته به د ټانکيو او پايپ ځغلولو چارې پیل شي.
د کور او ښار جوړولو وزارت د بې سرپناه کورنیو لپاره د مناسبې سرپناه برابرولو په لټه کې دی.
