کابل کې د ښاري تخلفاتو مخنیوي په موخه عامه پوهاوی وشو
۱۴۴۶/۰۶/۱۶
د کور او ښار جوړولو وزارت د ښاري تخلفاتو د مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي او مسلکي ټیم یې د کابل په اولسمه ناحیه کې د ښاري تخلفاتو د مخنیوي په موخه عامه پوهاوی وکړ.
ښاغلی مولوي حقاني وایي، یاد پوهاوی په اولسمه ناحیه کې د کامیاب استوګنیز ښارګوټي ساحه کې ترسره شو.
نوموړی وایي، په یاد ښارګوټي کې د ګذر وکیل د شتون په صورت کې خلکو ته پوهاوی ورکړل شو، چې کومې چارې د قانون او پلان خلاف عمل دي او باید دوی ترې ډډه وکړي.
د کور او ښار جوړولو وزارت د ښاري تخلفاتو مخنیوي برخه کې جدي دی او له ټولو هېوادوالو غواړي چې له سرغړونو ډډه وکړي.
