په پروان ولایت کې د سړک له پروژې څارنه وشوه
۱۴۴۶/۴/۱۸
د پروان ولایت د امام ابوحنیفه ښار په دریمه او څلورمه ناحیه کې د کوڅو د جوړونې له پروژې څارنه تر سره شوه.
د دې ولایت د کور او ښار جوړولو ریاست محترم رئیس انجنیر نعمت الله حنیف وایي، یاده پروژه (۲) کیلو مټره ده، چې دمکړۍ یې د کانکریټ اچونې، د ویالو سنګ کاري او نورې ودانیزې چارې روانې وې چې له چارو یې څارنه تر سره شوه.
ښاغلي انجنیر حنیف وویل، د دې ریاست انجنیرانو په ورته وخت کې د پروان ولایت د شینوارو ولسوالۍ په سرخ سنګ کلي کې د فلزي پل له ودانیزو چارو څارنه وکړه، چې د پل د دیوالونو چارې بشپړې شوې دي.
د کور او ښار جوړولو وزارت مرکزي او ولایتي ټیمونه د پروژو له چارو څارنه کوي، تر څو چارې د نقشې مطابق په معیار برابرې تر سره شي
