د نیله باغ هستوکنیز ښار ګوټي د عملي چارو د وضعیت لیدنه وشوه
۱۴۴۶/۲/۲۴
د کور او ښار جوړولو وزارت محترم مالي او اداري مرستیال الحاج محمد ارسلاح خروټي د نیله باغ هستوګنيزې پروژې د عملي چارو له وضعیت لیدنه وکړه.
په دغه لیدنه کې د نیله باغ پروژې مسؤل انجنیر عبدالوهاب صدیقي او د وزارت نورو تخنیکي او مسلکي کار کوونکو یې ملتیا کوله، ښاغلي مرستیال د نیله باغ ښارګوټي بېلا بېلې برخې له نږدې و کتلې او د یادې پروژې مسؤلینو او انجنیرانو ته یې لازمې لارښوونې وکړې او د امنیت په برخه کې یې بهرنیو انجنیرانو او کار کونکو ته پوره ډاډه ور کړ.
ښاغلي خروټي زیاته کړه، د نیله باغ هستوګنیزې پروژې د پرمختګ کارونه د قناعت وړ دي او مسؤلین یې و هڅول تر څو د یادې پروژې د بشپړېدو چارې لا ګړندۍ کړي.
د کور او ښار جوړولو وزارت د ټولو دولتي او خصوصي پروژو څخه لیدنه کوي، تر څو کارونه یې د نقشې مطابق او په معیار برابرې سرته و رسیږي.
