په اقتصادي زونونو کې د پانګونې په اړه خبرې وشوې
![اقتصادي زونونوکې](/sites/default/files/2024-07/whatsapp_image_2024-07-24_at_4.03.58_pm.jpeg)
۱۴۴۶/۱/۱۸
دا چې سرتاسري امنیت خوندي شوی او د پانګونې لپاره بستر هوار شوی، ټول داخلي او بهرني پانګوال کولای شي افغانستان کې بېلا بېلو برخو او په ځانګړې توګه د سرپناه، ښارګوټو، ښاري پراختیا او د اقتصادي زونونو برخه کې پانګونه وکړي.
د کور او ښار جوړولو وزارت د اقتصادي زونونو د پراختیا محترم رئیس مولوي فیض الله فیضان وایي، د خپل تخنیکي کاري ټیم په ملتیا یې له یو شمېر پانګوالو سره ناسته وکړه.
ښاغلی مولوي فیضان وایي، په ناسته کې د کور او ښار جوړولو وزارت اړوند په اقتصادي زونونو کې د پانګونې او فعالیت په تړاو یې له یو شمېر داخلي او بهرنیو پانګوالو سره بحثونه وکړل.
نوموړی وایي، پانګوالو ته یې د باریک اب کرنیز اقتصادي زون او دغه راز د پېروزي هستوګنیز ښارګوټي پروژو په اړه ټولې اسانتیاوې روښانه، وړاندیزونه بیان او ساحه یې له نږدې ور وښوده.
هغه وایي، پانګوالو ورته یادونه وکړه چې د یادو پروژو په اړه به له خپلو همکارانو سره تر سلا مشورو وروسته په عملي چارو لاس پورې کړي.
د کور او ښار جوړولو وزارت له ټولو پانګوالو او سوداګرو غواړي چې د مسکن، ښارګوټو او د منظمې ښاري پراختیا برخه کې پانګونه وکړي، چې دغه وزارت یې بشپړ ملاتړ کوي.