په ننګرهار ولایت کې د اوبو له چیک ډیمونو د ودانیزو پروژو څارنه وشوه
۱۴۴۵/۱۱/۳
په ننګرهار ولایت کې د اوبو، کرنې او ماالدارۍ ریاست اړوند په ۲۱ ولسوالیو کې د اوبو د چیک ډیمونو پروژې په نظر کې نیول شوي، چې د ۱۶ چیک ډیمونو پروژې منظورې شوې او عملاً یې د جوړیدو چارې روانې دي.
د ننګرهار ولایت د کور او ښار جوړولو ریاست محترم رئیس قاري محمد سعید وايي، د دې ریاست تخنیکي ټيم د دې ولایت د کرنې، اوبو لګولو او مالدارۍ ریاست اړوند په ۲۱ ولسوالیو کې د اوبو د چیک ډیمونو لیدنه کړې ده.
ښاغلي سعید وویل، د دې ریاست تخنیکي ټيم د ګډ پلاوي په ملتیا د اوبو د چک ډیمونو د ۱۶ منظور شوو ساختماني پروژو څارنه او کار کیفیت په مسلکي ډول بررسي کړ، چې له جملې یې د بهسودو ولسوالۍ اړوند د ثمرخیلو د خاورین چیک ډيم له ساختماني چارو څارنه وشوه، چې د یاد چیک ډيم چارې تقریباً اتیا سلنه بشپړې شوې دي.
د کور او ښار جوړولو وزارت مرکزي او ولایتي ټیمونه د ساختماني پروژو له چارو څارنه کوي، تر څویې چارې د شرطپاڼې مطابق په مسلکي شکل مخته ولاړې شي.
