د مرکزي ریاستونو کړنې و ارزول شوې
۱۴۴۵/۷/۲۱
د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني د دې وزارت د یو شمېر رئیسانو او نورو مسؤلینو سره ناسته وکړه.
په دې ناسته کې د مرکزي ریاستونو کړنې وڅېړل شوې، په ټولو موضوعاتو هر اړخیز بحث وشو او نظرونه شریک شول.
د ناستې په دوام، محترمو رئیسانو د دوی د ریاستونو اړوند ستونزې او ننګونې له محترم بامیاني سره شریکې کړې او په تړاو یې هر اړخیز معلومات وړاندې کړل، تر څو د ستونزو او ننګونو د حل لارې چارې ولټول شي.
د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني، د محترمو رئیسانو ستونزې واوریدې او د کارونو د لا ښه والي په موخه یې لازمې لارښوونې او سپارښتنې وکړې.
نوموړي له مرکزي او ولایتي مسؤلینو وغوښتل تر څو خپلې دندې او د دوی اړوند مسؤلیتونه د الله ج د رضا لپاره وکړي او د خپلو هېوادوالو کارونه په ټاکلي وخت او په اصولو برابر ترسره کړي
