د کابل ښار شاه دوشمشېره جومات «د کابل غمی» پرانېستل شو
جلالتمآب جمهور رئیس، د ښار جوړولو او ځمکو وزارت مرستیالانو او رئیسانو او د دولت نورو چارواکیو په ګډون د «سل ورځې - سل زیري» برنامې جومات اوونۍ کې د شاه دوشمشېره (ع) مسجد له ترمیم او بیا رغولو وروسته ګټې اخیستنې ته وسپاره.
جمهور رئیس د شاه دوشمشېره جومات د پرانیستې مراسمو پر مهال ښاریانو ته د دې جومات د بیا رغولو د تبریکي تر څنګ وویل، د کابل ښار هره کورنۍ له دې جومات څه یوه خاطره لري او د خوښۍ ځای دی چې نن هغوی ته بیا یوه ډالۍ وړاندې کوي.
د ښار جوړولو او ځمکو وزارت مسوولانو هم په دې مراسمو کې د شاه دوشمشېره جومات د بیا رغولو په اړه معلومات ورکړل او په ولایاتو او ولسووالیو په تېره د شاه دوشمشېره جومات د بیا رغولو او جوړولو ځانګړې پاملرنې څخه یې مننه وکړه.
د اسلام مبین دین تر څرګندېدو وروسته په کابل ښار کې د شاه دوشمشېره (ع) جومات لومړنی او لرغونی مسجد دی. د دې جومات ودانۍ له اوسنۍ بڼې سره په ۱۳۰۶ لمریز کال کې د پاچا غازي امانالله خان د مور بيبي له لوري جوړ شو چې د کلونو په تېرېدو سره د بېلابېلو دلایلو له کبله له ویجاړېدو سره مخ شو. د افغانستان اسلامي جمهوري ریاست عالي مقام ځانګړې پاملرنې سره د دې جومات د ترمیم او بیا رغولو چارې د ښار جوړولو او ځمکو وزارت د تاریخي ابدو ترمیم او بیا رغولو پروژې امریت ته وسپارل شوې.
د لرغونو ابدو متخصصانو د ټولو اصولو او سټنډرډونو په پام کې نیولو سره، د دې پروژې د مرمت او بیا رغونې چارې بشپړې کړې او د کار له ټولو پړاوونو څخه یې په تخنیکي ډول مدیریت او څارنه وکړه، څو دا جومات د کابل ښار په مرکز کې د غمي په څېر وځلېږي. د دې پروژې د پلي کولو چارې د افغاني ساختماني تصدي «د ا.ا.ج ملي پراختیا شرکت» له لوري د ۱۳۹۸ لمریز کال په چنګاښ میاشت کې پیل او د ۱۴۰۰ کال غويي میاشت کې پایته ورسېدې.
