کندهار کې د ۳۰۵۰ جریبه ځمکې توپوګرافي سروې بشپړه شوه
۱۴۴۷/۰۴/۱۱
د کور او ښار جوړولو وزارت د سروې او جي ای اس ریاست محترم رئیس انجنیر محمد یوسف لطیف وویل چې د کندهار ولایت د تخته پول ولسوالۍ په مربوطاتو کې د اجباري راستنیدونکو لپاره ځانګړې شوې (۳۰۵۰) جریبه ځمکې توپوګرافي سروې په بریالیتوب سره بشپړه شوې ده.
ښاغلي انجنیر لطیف زیاته کړه چې یاده ځمکه په تخته سیمه کې موقعیت لري او د اسلامي امارت د عاليقدر امیرالمؤمنین حفظه الله تعالی د فرمان پر اساس ځانګړې شوې وه، د ده په وینا، د دغې سروې بشپړېدل د راستنیدونکو د منظم ځای پرځای کېدو لپاره یو مهم ګام دی چې په راتلونکي کې به د استوګنې اسانتیاوې او اړوند خدمات هم ورته برابر شي.
د یادونې ده، چې اسلامي امارت د راستنیدونکو د ستونزو د حل لپاره د ځانګړو پروګرامونو په لړ کې د استوګنې ځایونو برابرول د خپلو لومړیتوبونو څخه ګڼي.
