پکتیکا کې د لوړو زده کړو مؤسسې د احاطوي دیوال د خط اچونې چارې بشپړې شوې
۱۴۴۷/۰۲/۱۰
د پکتیکا ولایت د کور او ښار جوړولو ریاست محترم رئیس مولوي محمد طاهر سیف الجهاد وایي، د دې ریاست د تخنیکي ټيم لخوا د لوړو زده کړو مؤسسې د احاطوي دیوال د خط اچونې چارې په اصولي ډول بشپړې شوې.
ښاغلي مولوي سیف الجهاد وویل، د پکتیکا ولایت د لوړو زده کړو مؤسسې د نوي منظور شوي تفصیلي پلان له مخې، د احاطوي دیوال لې اوټ (layout) ترتیب کړی او په ساحه کې یې د ټوټال اسټیشن په وسیله تطبیق کړی دی.
د نوموړي په خبره، یاده پروژه د افغانستان د عامه ودانیزو ادارې له بودیجې څخه تمویل شوې او د کندنکاري چارې یې د نقشي سره سم پیل شوې دي.
ښاغلي مولوي سیف الجهاد ډاډ ورکوي چې کارونه به په لوړ معیار او په ټاکلي وخت کې بشپړ شي.
