په کندز ولایت کې د ښاري سرغړونو مخنیوی وشو
۱۴۴۶/۸/۲۵
د کور او ښار جوړولو وزارت له ښاري سرغړونو د مخنیوي ریاست محترم رئیس مولوي عبدالمنان حقاني وايي، په کندز ولایت کې د ښاري سرغړونو مخنیوی ټيم لخوا د یو شمېر غیرې قانوني هټيو او د موټرو د مینځلځای له جوړېدو مخنیوی وشو.
ښاغلی مولوي حقاني وایي، دغه چاره کندز ولایت کې د کور او ښار جوړولو ریاست د محترم رئیس مولوي محمد رمضان کلیم په لارښونه او همکارۍ ترسره شوه.
نوموړی وایې، یادې ښاري سرغړونې د کندز په امام صاحب ولسوالۍ کې شوي چې، د پلان خلاف دي.
د کور او ښار جوړولو وزارت په خپلو ټولو پلانونو کې د ژوند په تړاو ټولو فعالیتونو لپاره د معیار له مخې ځایونه مشخص کوي او باید په هماغه ځایونو کې مشخص شوي فعالیتونه ترسره شي چې، سرغړونه یې ښاري ګډوډي رامنځته کوي.
