په کندز ولایت کې د سل بستریز روغتون ودانیزې چارې بشپړې شوې
۱۴۴۶/۲/۲۲
د کندز ولایت د کور او ښار جوړولو ریاست محترم رئیس مولوي محمد رمضان کلیم وایي، د دې ریاست د تخنیکي ټیم لخوا د هغه روغتیایي کلینیک څخه لیدنه وشوه چې ودانیزې چارې یې بشپړې شوي دي.
ښاغلي مولوي کلیم وویل، د دې ریاست تخنیکي ټیم د اقتصاد ریاست، کډوالوچارو ریاست او د اکرو موسسې د استازو په شتون کې د دشتې ارچې له روغتیایي کلینیک څخه لیدنه وکړه چې د دې کلینیک ټولې ودانیزې چارې د نقشې او د کارې حجم مطابق تر سره شوي دي او ګټې اخستنې ته بشپړ چمتو دی.
د کور او ښار جوړولو وزارت د پروژو له چارو څارنه کوي، تر څو چارې د نقشې او شرطپاڼې مطابق تر سره شي.
