په کابل او کندهار ولايتونو کې له ۵۵۰ زرو زيات کورونه سروې او ثبت شول
ښار جوړولو او ځمکو وزارت د غېر رسمي ښاري سيمو د ثبت برنامې په دوام دا ځل په کابل او کندهار ولايتونو کې ۵۵۷ زره ۸۸۹ کورونه سروې او ثبت کړل.
له دې ډلې څخه ۴۹۱۰۴۰ مېشتځايونه د کابل ښار په ۲۲ ناحيو کې، ۴۶۱۶ مېشتځايونه د کابل په ميربچه کوټ ولسوالۍ کې، ۵۵۳۹۴ مېشتځايونه د کندهار په بېلابېلو ناحيو کې او ۶۸۳۹ مېشتځايونه په سپين بولدک ولسوالۍ کې موقعيت لري.
ښار جوړولو او ځمکو وزارت ژمن دی چې د ۲۰۲۰ ميلادي کال تر پايه په اتو ښارونو کې ۲۰۰ زره کورونو ته د ملکيت سندونه وويشي چې شاوخوا يو ميليون وګړي به ترې ګټه پورته کړي.
