په پکتیکا کې د دوو نويو جوماتونو ودانیزې چارې و څارل شوې
۱۴۴۷/۰۳/۱۴
د پکتیکا ولایت د کور او ښار جوړولو ریاست محترم رئیس مولوي محمد طاهر سیف الجهاد وایي، د یاد ریاست اړوند تخنیکي ټیم د مرکز ښرنې په ښار کې د دوو نويو جوماتونو (د مامورینو جومات او د ښاروالي جومات) له روانو چارو څخه څارنه ترسره کړه.
ښاغلي مولوي سیف الجهاد وویل، د مامورینو جومات د لومړي منزل د چت کانکریټ اچونه د نقشې سره سم په منظم ډول بشپړه شوې، او د ګنبذې د برخې قالب بندي روانه وه او په دې بهیر کې ځینې ستونزې موجودې وې چې د تخنیکي ټیم له خوا په ساحه کې سمدستي اصلاح شوې.
د نوموړي په خبره، همدارنګه، د ښاروالي د جومات د دوهم پوړ قالب بندي هم د نقشې سره سم جریان درلود.
د پکتیکا ولایت د کور او ښار جوړولو ریاست ټینګار کوي، چې د دغو دواړو جوماتونو د اعمار چارې به د دوامداره څارنې لاندې وي او د ترسره شویو کارونو په اړه به د وزارت مقام ته لازم اطمینان وړاندې شي.
