په هلمند ولایت کې د یو سوداګریز مارکیټ ودانیزې چارې و څارل شوې
۱۴۴۶/۸/۱۱
د هلمند ولایت د لښکرګاه ښار د لومړۍ ناحیې اړوند د لغمان په جاده کې د لقمان حکیم سوداګریز مارکیټ ودانیزې چارې و څارل شوې.
د هلمند ولایت د کوراوښار جوړولو ریاست محترم رئیس مولوي شمس الله ناظم وایي، د دې ریاست د تخنیکي ټيم لخوا د لقمان حکیم سوداګریز مارکیټ ودانیزې چارې و څارل شوې.
د نوموړي په خبره، د دې مارکیټ د تهکاو کندنکاري، د تهدابونو دځایونو ایزوګام، د سمپلونو او رینګ بیم اندازې، دتهداب مکمل کانګریټ اچونه او نورې چارې د نقشې مطابق بشپړې شوې دي.
د کوراوښار جوړولو وزارت مرکزي او ولایتي ټیمونه د ودانیزو پروژو له چارو څارنه کوي، تر څو چارې د نقشې مطابق په معیار برابرې تر سره شي.
