په میدان وردګ کې د مسجد شریف ودانیزې چارې و څارل شوې
۱۴۴۶/۱۲/۸
د میدان وردګ ولایت د کور او ښار جوړولو ریاست محترم رئیس مولوي عبدالقیوم سیف العمر وایي، د دې ریاست اړوند تخنیکي ټيم د سید اباد ولسوالۍ اړوند د یو باب مسجد شریف ودانیزې چارې و څارلې.
ښاغلي مولوي سیف العمر وویل، د یاد مسجد شریف د احاطوي دیوال، د منار د ضلعو سیخ بندي، د مسجد شریف د سلب کانکریټ اچونه او نورې چارې روانې وې.
د نوموړي په خبره، د قرارداي شرکت مسؤلینو ته لازمې سپارښتنې وشوې، تر څو چارې د نقشې مطابق په معیار برابرې تر سره کړي.
