په لوګر کې شاوخوا ۳۵۰ جریبه دولتي ځمکه له غصب وژغورل شوه
۱۴۴۳/۰۹/۱۷
د ښار جوړولو او ځمکو وزارت په لوګر ولایت کې شاوخوا ۳۵۰ جریبه دولتي خمکه چې ځینې غاصبینو او فرصت غوښتونکو خلکو یې د غصب کولو اراده درلوده، له غصب وژغورله.
یاده اندازه ځمکه د لوګر په محمد اغه ولسوالۍ او د دې ولسوالۍ په شاوخوا کې موقعیت لري چې د دولت پورې اړوند ده.
د یادونې وړ ده چې ټاکل شوې وه په دغه راګرځول شوې ځمکه کې ۶ حلقې د اوبو څاه ګانې او څو جریبه ځمکه کرنیزه او دغه راز یو شمېر د اوسېدو کورونه په غیر قانوني توګه اباد کړي چې په لوګر ولایت کې د ښار جوړلو او ځمکو ریاست لخوا یې پر وخت مخنیوی وشو او له غصب وژغورل شوه.
د ښار جوړولو او ځمکو وزارت ژمن دی چې د ټول هېواد په کچه د دولتي ځمکو له غصب مخنیوی وکړي او غاصبین اړوندو قضایي او عدلي ارګانونو ته وروپېژني.
