په لوګر ولایت کې د څو بیلابیلو پروژو نظارت او براورد تر سره شو
۱۴۴۶/۲/۳
د لوګر ولایت د کور او ښار جوړولو ریاست محترم رئیس مولوي مطیع الله زاهد وایي، د دې ریاست د تخنیکي ټیم لخوا په بیلابیلو ولسوالیو کې د پروژو له ودانیزو چارو او د ځینو پروژو لپاره براورد او د ځینو پروژو کروکي او سکیچ ترتیب شوی دی.
ښاغلي زاهد وویل، د زرغون شهر ولسوالۍ د روغتیایي کلینیک له ودانیزو چارو څارنه تر سره شوه، چې قراردادي شرکت ته لازمې سپارښتنې تر سره شوې تر څو چارې د نقشې مطابق مخته یوسي.
همدراز په دې ولایت کې د مخابراتو او ټیکنالوژۍ ریاست لپاره د یو تدریسي ټولګي لومړنی براورد ترتیب شوی او د کلنګار، پورک او برکي کې د غیرې پلاني بازارونو لومړني مالومات را ټول شول.
د کور او ښار جوړولو وزارت په مرکز او ولایتونو کې د پروژو له چارو څارنه کوي، تر څو چارې په مسلکي او معیاري ډول سرته و رسیږي
