په لغمان، بامیان او کندهار ولایتونو کې ځینو د تېلو پمپ سټېشنونو ته د جوړولو اجازه ورکړل شوه
۱۴۴۵/۸/۲۵
د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني په مشرۍ د ښاري نقشو د ویزه کولو کمېسیون خپله نوبتي څلوردېرشمه ناسته وکړه او پر بېلا بېلو اړوندو موضوعاتو یې نظرونه تبادله کړل.
په ناسته کې، د هېواد په بېلا بېلو ولایتونو کې د تېلو د پمپ سټېشنونو پر جوړولو بحث وشو.
د تېلو پمپ سټېشنونو د جوړولو په موخه، د سوداګرۍ وزارت، کرنې، اوبو لګولو او مالدارۍ وزارت، د ټولګټو چارو وزارت، کور او ښار جوړولو وزارت، د برښنا محترم ریاست، د اړونده ولایتونو د امنیې قوماندانیو، د اور وژنې ریاست او د سیمې د اوسېدونکو نظرونه دقیق وڅېړل شول او وروسته په لاندې ولایتونو کې د تېلو د پمپ سټیشنونو ته فعالیت اجازه ورکړل شوه.
لغمان ولایت کې محترم محمد عالم د فیروز زوی ته، بامیان ولایت کې محترم محمد داود د عین الدین زوی ته، کندهار کې د محمد نصیر د محمد ابراهیم زوی ته د اسنادو تر څېړلو وروسته د تېلو د پمپ سټېشن د جوړولو اجازه ورکړل شوه.
دغه راز، په کندز او تخار ولایتونو کې د ځینو پمپ سټېشنونو جوړولو اسناد په بشپړه توګه نه و پروسس شوي، چې د طی مراحل او د ځمکو د تثبیت په موخه یې لازمې سپارښتنې وشوې.
