په سرپل ښار کې د سړک جوړونې له چارو څارنه وشوه
۱۴۴۷/۰۸/۰۹
د سرپل ولایت د کور او ښآر جوړولو ریاست تخنیکي ټيم د حاجي ګدای بای د مسجد شریف تر څنګ د ۳۰ متره سړک د جغل او کانکریټ اچونې له چارو څارنه وکړه.
د راپور له مخې، د ویالو د کانکریټ اچونې چارې بشپړې شوې دي او دا مهال د سړک د جغله اچونې او هوارکارۍ بهیر روان دی، د هوارکارۍ تر بشپړېدو او د اړینو تخنیکي ازموینو له ترسره کېدو وروسته به د سړک اصلي کانکریټ اچول پیل شي.
د سرپل ولایت د کور او ښار جوړولو ریاست د ښاري زیربناوو د پیاوړتیا، د معیاري سړکونو د جوړولو او د ترافیکي ستونزو د کمولو په موخه د ښار په بېلابېلو ناحیو کې د ودانیزو پروژو څارنه کوي.
