په جوزجان ولایت کې د میوې منډوي له ودانیزو چارو څارنه وشوه
۱۴۴۷/۱۲/۱۷
د جوزجان ولایت د کور او ښار جوړولو ریاست تخنیکي ټيم د آقچې ولسوالۍ د ښاروالۍ اړوند د میوو مارکېټ د ساختماني پروژې له روانو چارو څخه نظارت او لیدنه ترسره کړه.
د نظارت پر مهال د پروژې د کانکریټ اچونه، داخلي پلسترکارۍ او بیروني پلسترکارۍ چارې په دقیق ډول وڅارل شوې او د کار د کیفیت، پرمختګ او معیاري تطبیق ارزونه ترسره شوه.
د جوزجان ولایت د کور او ښار جوړولو ریاست د رهبرۍ له لوري د قراردادي شرکت مسؤلینو ته لازمې سپارښتنې وشوې، ترڅو د مارکېټ د جوړولو ټولې چارې د منظور شوې نقشې، د کاري احجامو د اټکل، تدارکاتي شرطنامې او نافذه انجینري معیارونو په رڼا کې په سمه او معیاري توګه تطبیق کړي.
همداراز، د ریاست تخنیکي انجینرانو د پروژې د لا ښه والي او موثریت په موخه یو شمېر تخنیکي نظریات او وړاندیزونه وړاندې کړل، ترڅو د ودانیزو چارو کیفیت لوړ او پروژه په معیاري ډول بشپړه شي.
